Nabisto ang mas marami pang budol na mga pangalan tulad ni “Cannor Adrian Contis” na halaw sa kilalang bakeshop, mga kaapelyido ng Senador at Kongresista na kabilang sa tumanggap umano ng confidential funds ni Vice President Sara Duterte.
Ayon kay Deputy Majority Leader Paolo Ortega V kailangan itong mabusisi sa gitna na rin ng paghahanda ng Senado sa impeachment ni VP Duterte sa Hunyo.
Ayon kay Ortega, lumitaw ang mga pangalang “Beth Revilla,” “Janice Marie Revilla,” “Diane Maple Lapid,” “John A. Lapid Jr.,” “Clarisse Hontiveros,” “Kristine Applegate Estrada,” at “Denise Tanya Escudero” bilang umano’y benepisyaryo ng confidential funds.
Bukod sa “Mary Grace Piattos,” sinabi ni Ortega na nasa listahan din sina “Cannor Adrian Contis,” at mga indibidwal na may apelyidong “Solon”: Kris Solon at Paul M. Solon. apelyido na kahawig ni Sarangani Rep. Steve Chiongbian Solon.
Aniya, Public funds ang pinag-uusapan. Kung wala silang maipakitang ebidensya na tunay ang mga taong ito, ito mismo ang magiging matibay na ebidensya laban sa kanya sa impeachment trial.
