Muling inatake ng Ukraine ang Moscow Oil Refinery nitong umaga ng Huwebes, sa ikalawang pagkakataon ngayong linggo, sa pamamagitan ng mga drone strike.
Sinabi ni Moscow Mayor Sergei Sobyanin na ilang drone ang tumama sa refinery sa Kapotnya habang mahigit 40 drone naman ang napabagsak ng air defense. May mga ulat din ng pinsala sa isang apartment building sa Zhukovsky at iba pang imprastraktura sa paligid ng Moscow, ngunit walang nasawi roon.
Sa Rostov region, isang hiwalay na pag-atake ang ikinamatay ng isang sibilyan at ikinasugat ng dalawa pa, at nagdulot din ng sunog at pinsala sa ilang pasilidad.
Ayon kay Ukrainian President Volodymyr Zelensky, bahagi ito ng estratehiya ng Ukraine na tamaan ang mga target na malayo sa Russia gamit ang long-range weapons upang pahinain ang kakayahan nitong magpatuloy sa digmaan.
