--Ads--
Patuloy na lumalawak ang Aspen Acres Fire sa timog na bahagi ng Colorado, Estados Unidos, na nagdulot sa mahigit 2,200 residente na lumikas habang pinalalala ng malalakas na hangin ang pagkalat ng apoy.
Umabot na sa 272 square kilometers ang nasunog na lugar at mahigit 160 istruktura ang nawasak. Ayon sa mga eksperto, nakatulong sa paglala ng wildfire ang matagal na tagtuyot, mababang pag-ulan ng niyebe, at epekto ng climate change.
Nagdeploy na rin ang mga awtoridad ng mga sundalo upang tumulong sa operasyon habang patuloy na nakikipaglaban ang mga bumbero sa isa sa halos 40 malalaking wildfire na kasalukuyang sumisiklab sa kanlurang bahagi ng Estados Unidos.
