Umabante sa semifinals ng FIFA World Cup ang Argentina matapos talunin ang Switzerland, 3-1, sa pagtatapos ng extra time sa kanilang quarterfinal match ngayong Linggo.
Unang nakapagtala ng puntos ang Argentina sa pamamagitan ni Alexis Mac Allister sa ika-10 minuto matapos maisalpak ang corner kick ni Lionel Messi. Gayunman, naitabla ng Switzerland ang laban sa ika-67 minuto sa goal ni Dan Ndoye.
Lalong nahirapan ang Switzerland nang mapatalsik si Breel Embolo sa ika-72 minuto matapos ang pagsusuri ng Video Assistant Referee o VAR. Sinamantala naman ng Argentina ang kalamangan at nakapuntos sina Julian Alvarez at Lautaro Martinez sa extra time upang tuluyang maselyuhan ang panalo.
Sa tagumpay, nananatiling buhay ang kampanya ng Argentina na maipagtanggol ang kanilang World Cup title. Haharapin nila sa semifinals ang England, na nagwagi naman kontra Norway, 2-1, matapos din ang extra time.
