--Ads--
Dalawang Indian crew member ng oil tanker na MT Petro Dolphin ang nawawala matapos tamaan ng drone ang barko sa Sohar Anchorage sa baybayin ng Oman noong Oktubre 11.
Siyam sa 11 Indian seafarers na sakay ng barko ang nailigtas at iniulat na ligtas. Patuloy naman ang search and rescue operations ng mga awtoridad ng Oman upang mahanap ang dalawa pang nawawalang tripulante.
Dahil sa insidente, lalo pang nababahala ang mga awtoridad sa seguridad ng mga commercial vessel na dumaraan sa Strait of Hormuz, isang mahalagang ruta ng pandaigdigang suplay ng enerhiya.
Sa ngayon, hindi pa natutukoy kung sino ang nasa likod ng pag-atake at nagpapatuloy ang imbestigasyon sa insidente.
--Ads--
