--Ads--
Pinaimbestigahan ni Defense Secretary Gilberto Teodoro Jr. ang reservist record ni Senador Robin Padilla matapos nitong aminin sa Senado na isa siyang komunista.
Ayon kay Teodoro, dapat suriin ng Armed Forces of the Philippines ang kaso at isagawa ang kaukulang proseso. Reservist ng Philippine Army si Padilla mula pa noong 2019 na may ranggong Captain.
Kasunod ito ng pag-amin ng senador sa gitna ng impeachment trial ni Vice President Sara Duterte. Ayon sa AFP Reservist Program, maaaring mapatalsik ang isang reservist dahil sa mga paglabag sa patakaran.
Samantala, nanawagan si dating Interior Secretary Rafael Alunan na patalsikin si Padilla bilang reservist at senador dahil umano sa pagiging kalaban ng estado.
--Ads--
