Nagkasundo ang Venezuela at Estados Unidos sa isang 25-taong energy agreement na naglalayong palakasin ang industriya ng langis ng bansa at itaas ang produksyon nito sa mahigit 1.5 milyong barrels kada araw.
Ayon kay Venezuelan interim President Delcy Rodriguez, saklaw ng kasunduan ang pagpapaunlad ng 17 strategic oilfields at walong bagong oil blocks.
Samantala, sinabi ni U.S. President Donald Trump na magkakaroon ng bahaging kontrol ang Estados Unidos sa mahigit 65 bilyong barrels ng proven oil reserves ng Venezuela sa pamamagitan ng partnership sa pribadong sektor.
Pinakamalaki sa mundo ang oil reserves ng Venezuela, ngunit nasa 1.25 milyong barrels kada araw lamang ang kasalukuyang produksyon nito dahil sa kakulangan sa pamumuhunan, maling pamamahala at sanctions.
Tinataya ni Rodriguez na maaaring makalikha ng 209 bilyong dolyar na kita para sa Venezuelan government ang kasunduan.
Iginiit niyang mananatili sa Venezuela ang pagmamay-ari at soberanya sa likas nitong yaman, habang gagamitin ang kapital at teknolohiya ng mga dayuhang kumpanya para muling buhayin ang industriya.
Inaasahan namang lalagdaan sa susunod na linggo ang mga kasunduan para sa oil exploration at production rights, kabilang ang mga kumpanyang Amerikano gaya ng Chevron.
