Ipinahayag ni Brazilian Senator Flavio Bolsonaro na siya ang nararapat na mamuno sa Brazil matapos dumating sa Miami, United States, habang inaakusahan ang Supreme Court at si Pangulong Luiz Inácio Lula da Silva ng umano’y pandaraya sa halalan.
Iginiit ni Bolsonaro na dinaya umano ang halalan at tinawag na mapanupil ang kasalukuyang pamahalaan. Una niyang idineklara ang sarili bilang halal na pangulo, ngunit binago ito sa sumunod na pahayag at tinawag ang sarili bilang nararapat na lider ng bansa.
Gayunman, kinilala ng electoral court ng Brazil ang pagkapanalo ni Lula, na nakakuha ng mahigit apat na milyong boto na lamang. Ayon din sa mga opisyal ng halalan, isinagawa ang botohan alinsunod sa batas at Konstitusyon ng bansa.
Nagpasalamat naman si Bolsonaro kay Argentine President Javier Milei sa pagtulong sa kaniyang paglalakbay at kay US President Donald Trump sa pagbibigay ng visa sa kaniya at sa kaniyang pamilya.
Samantala, hindi nagbigay ng komento si Trump sa pahayag ni Bolsonaro, ngunit muli niyang tinawag na kakaiba ang halalan sa Brazil.
