Bumaba ng 0.3% ang kabuuang halaga ng farm output ng Pilipinas sa unang quarter ng 2026, batay sa ulat ng Philippine Statistics Authority (PSA), na umabot sa ₱437.52 bilyon.
Ayon sa PSA, ang pagbaba ay dulot ng paghina ng produksyon sa crops at fisheries, habang nakapagtala naman ng paglago ang livestock at poultry sectors.
Bumaba ng 2.4 porsyento ang halaga ng crops sa ₱243.62 bilyon, na bumubuo ng 55.7% ng kabuuang farm output. Kabilang dito ang pagbaba ng palay ng 6.3% at mais ng 5.5%.
Pinakamalaking pagbaba naman ang naitala sa fisheries na bumagsak ng 6.1% sa ₱52.34 bilyon, katumbas ng 12% ng total output. Ayon sa datos, 15 uri ng isda ang nagpakita ng pagbaba, habang anim ang nakapagtala ng pagtaas.
Sa kabilang banda, lumago ng 7.1% ang poultry na umabot sa ₱80.83 bilyon, habang tumaas din ng 5.1% ang livestock sa ₱60.74 bilyon. Kabilang sa mga pangunahing nakapag-ambag sa paglago ang hog, dairy, at cattle production.
Ayon sa PSA, ipinapakita ng magkakahalong resulta ang patuloy na hamon sa crops at fisheries sectors, habang nananatiling matatag ang poultry at livestock.
