Nanalo mula pole position ang Italian driver na si Kimi Antonelli sa Miami Grand Prix na ginanap sa Miami Gardens, Florida, upang lalo pang palakasin ang kanyang liderato sa Formula 1 drivers’ championship.
Sa edad na 19, nawala man ang panandaliang liderato sa unang lap kay Charles Leclerc, agad niya itong nabawi at tuluyang nakontrol ang karera matapos ang pit stop phase ni Lando Norris.
Ito na ang ikatlong sunod na panalo ni Antonelli matapos ang back-to-back victories sa Chinese at Japanese Grand Prix, na nagpatibay rin sa liderato ng Mercedes sa constructors’ standings.
Nagtapos sa ikalawa at ikatlong puwesto ang mga McLaren drivers na sina Lando Norris at Oscar Piastri.
Samantala, nagtapos sa ika-anim si Charles Leclerc matapos ang spin sa huling lap, habang nakabawi naman si Max Verstappen mula sa unang lap incident upang makapasok sa top five.
Inilipat din ang oras ng karera ng tatlong oras nang maaga dahil sa banta ng thunderstorms sa lugar.
