Nakasiguro ng puwesto sa quarterfinals ng 2026 Mubadala DC Open si Japanese tennis star Naomi Osaka matapos umatras sa kanilang laban ang Amerikanang si Ashlyn Krueger habang lamang siya, 6-3, 3-1.
Naging mahirap umano para kay Osaka na manatiling nakatuon sa laro matapos makitang nahirapan si Krueger dahil sa iniindang injury sa kanang bukung-bukong na kinailangang gamutin pa sa unang set.
Ayon sa apat na beses na Grand Slam champion, nakalulungkot ang nangyari sa kanyang katunggali at umaasa siyang agad itong makarekober.
Galing si Osaka sa quarterfinal appearance sa Wimbledon at patuloy na nagpapakita ng magandang laro sa hardcourts ng Washington.
Sa quarterfinals, makakaharap ni Osaka ang Italyanang si Elisabetta Cocciaretto na nagpatalsik naman sa eighth-seeded na Amerikanang si Emma Navarro sa iskor na 6-3, 4-6, 6-3.
