Philippine stock market, muling sumigla matapos ang selloff nitong nagdaang araw

Bumawi ang Philippine stock market matapos dagsain ng mga investor ang mga shares na bumaba ang presyo kasunod ng selloff noong nakaraang araw.

Umakyat ng 1.30% o 80.12 points ang benchmark Philippine Stock Exchange index sa 6,238.46.

Tumaas din ng 1.14% ang All Shares index sa 3,435.23.

Ayon sa Philstocks Financial, nakatulong sa pag-angat ng lokal na merkado ang bargain hunting at pagtaas ng Wall Street.

Samantala, umabot sa ₱8.79 bilyon ang trading turnover, habang nanatiling net sellers ang mga foreign investor na may ₱555.34 milyong net outflow.