Nagbukas sa ₱62.05 kada US dollar ang Philippine peso nitong Biyernes, matapos magsara sa ₱61.888 nitong Huwebes, ang pinakamababang closing level nito sa kasaysayan.
Mas mahina ito ng 23.8 centavos kumpara sa ₱61.65 na pagtatapos nitong Miyerkules at nalampasan ang dating record low na ₱61.84 na naitala noong Hulyo 24.
Kabilang sa mga dahilan ng paghina ng piso ang lakas ng US dollar, geopolitical tensions at pangamba sa pagtaas ng inflation dahil sa posibleng El Niño at wage hikes.
Kaugnay nito, itinaas ng Bangko Sentral ng Pilipinas ang pangunahing policy rate ng 25 basis points sa 5%, ang ikatlong sunod na rate hike ngayong taon.
Ayon sa BSP, maaaring tumaas ang presyo ng imported goods kapag mabilis ang paghina ng piso, kaya minomonitor nito ang matitinding galaw ng exchange rate.
