Nagpakitang-gilas ang Spain matapos tambakan ang Austria, 3-0, sa Round of 32 ng 2026 FIFA World Cup upang makausad sa susunod na yugto ng torneo.
Pinangunahan ni Mikel Oyarzabal ang opensiba ng Spain matapos umiskor ng dalawang goal, habang nagdagdag naman si Pedro Porro ng isa pa para tuluyang ibaon ang Austria. Naitala rin ni Porro ang kanyang kauna-unahang international goal sa naturang laban.
Kontrolado ng Spain ang laro sa malaking bahagi ng laban at hindi pinayagang makapuntos ang Austria. Patuloy ding pinanatili ng Spanish squad ang kanilang matatag na depensa matapos hindi pa rin makalusot ang kalabang koponan sa kanilang goal sa torneo.
Dahil sa panalo, umabante ang Spain sa Round of 16 kung saan haharapin nito ang mananalo sa laban ng Portugal at Croatia.
