Spurs head coach Gregg Popovich muling isinugod sa pagamutan matapos mawalan ng malay

Dinala sa pagamutan ang head coach ng San Antonio Spurs na si Gregg Popovich.

Ayon sa kaanak nito, kumakain ang 76-anyos na beteranong coach sa isang restaurant ng bigla itong nawalan ng malay.

Agad na tumawag ng emergency ang may-ari ng kainan at dinala na ito sa pagamutan.

Kasalukuyan pa rin kasi nakakaranas ng epekto si Popovich mula sa kaniyang mild stroke noong nakaraang Nobyembre.

Magugunitang minabuti niyang magpahinga muna at hindi tututok sa pagiging coach ng Spurs.