Bibiyahe ngayon ang tniatayang 101-strong Team Philippines patungong China dalawang araw bago ang opening ceremony para sa 6th Asian Beach Games.
Paparada sa opening ceremony sa Yasha Park Phase 1 Ring Theater si two-time world jiu-jitsu champion Annie Ramirez bilang flag bearer ng Team Philippines at sa closing ceremony sa Abril 30.
Isa mga tampok sa closing ceremony ang turnover ng Asian Beach Games hosting ng 2028 edition sa Cebu City.
Makakasama ni Philippine Olympic Committee president Abraham “Bambol” Tolentino sa pagtanggap ng games’ colors sina Cebu City Mayor Nestor Archival at Cebu Governor Pamela Baricuatro.
Bukod kay Ramirez, inaasahan ding mananalo ng gold medal si jujitsu standout Kaila Napolis at ang women’s beach volleyball squad ni Thailand Southeast Asian Games gold winner Sunny Villapando na sasamahan nina Sofiah Pagara, Khyle Progella at Grydelle Matibag.
Kumolekta ang Pilipinas ng limang gold, 10 silver at 35 bronze medals sa ABG na inilunsad noong 2008 sa Bali at idinaos noong 2010 sa Oman, 2012 sa Haiyang (China) at 2014 sa Phuket.
