Pinaulanan ng mga rocket at limang drone ang US Embassy sa Baghdad ngayong Martes ayon sa mga Iraqi sources. Inilarawan ng mga lokal na opisyal ang insidente bilang pinakamalalang pag-atake sa embahada mula nang magsimula ang tensyon sa pagitan ng Estados Unidos, Israel, at Iran.
Dalawa sa mga drone ay napabagsak ng C-RAM air defense system, ngunit ang isa ay tumama sa compound ng embahada. Nasaksihan din ng mga residente ang malakas na pagsabog at itim na usok sa himpapawid ng Iraqi capital.
Ang pag-atakeng ito ay nagdulot ng dagdag na tensyon sa rehiyon, lalo na’t bahagi ito ng mas malawak na giyera at mga insidente ng rocket at drone attacks sa mga diplomatikong pasilidad sa Iraq.
Wala pang opisyal na ulat ng casualties o malubhang pinsala mula sa embahada sa ngayon.
