Arestado ang isang 22-anyos na tricycle driver na wanted sa kasong Slight Physical Injuries sa isang Mall sa Barangay Villasis, Santiago City.
Ayon sa mga awtoridad, ang pag-aresto ay isinagawa ng pinagsanib na puwersa ng City Mobile Force Company (CMFC), bilang lead unit, at Police Station 1.
Itinago ang suspek sa alyas na “Jun,” isang binata at residente ng Purok 5, Osmeña Street, Barangay Villasis, Santiago City.
Inaresto ang akusado sa bisa ng Warrant of Arrest na inisyu noong Hunyo 8, 2026 para sa kasong Slight Physical Injuries.
May inirekomendang piyansang nagkakahalaga ng ₱2,000.00 para sa pansamantalang kalayaan ng akusado.
Matapos ang pag-aresto, ipinaalam sa suspek ang kanyang mga karapatan alinsunod sa Saligang Batas.
Kasalukuyang nasa kustodiya ng Police Station 1 ang akusado para sa kaukulang dokumentasyon bago iharap sa hukuman na nagpalabas ng naturang warrant.
