CAUAYAN CITY – Masayang tinanggap ng mga mapalad na nanalo ang kanilang premyo sa nakaraang grand draw ng One Two Panalo Part 15 promo ng Bombo Radyo Phlippines.
Sinabi ng regional prize winner ng P50,000 na si Barangay Kagawad Pepito Poquiz ng Villa Concepcion Roxas, Isabela na malaking tulong sa kanyang pamilya ang napanalunang premyo.
Ito ay gagamitin nila sa kanilang pang araw-araw na pangangailangan.
Ganito rin ang sinabi ng 1st prize winner na si Mario Castillo ng Muñoz East Roxas, Isabela na tumanggap ng P5,000.
Tuwang-tuwa rin ang iba pang nanalo na sina Mary Jane Gamiao ng Salinungan East San Mateo, Isabela na nagwagi ng 2nd prize na P4,000 at rice cooker at si Mylene Tumamao ng Quezon San Isidro, Isabela na tumanggap ng P3,000 at standard blender bilang 3rd prize winner.
Ang tumanggap ng consolation price na P1,500 at desk fan ay sina Ginalyn Abon ng Arabiat Echague, Isabela; Taciana Orias ng Laurel Cordon, Isabela at si Susan Cervan ng General Aguinaldo Ramon, Isabela.
