--Ads--
Target ng Team Philippines ang kauna-unahang medalya sa gymnastics sa Asian Games sa Aichi-Nagoya, Japan sa Setyembre 19 hanggang Oktubre 4.
Pangungunahan ng magkapatid na Carlos at Eldrew Yulo ang Philippine gymnastics team, kung saan ikalawang Asiad appearance na ito ni Caloy habang debut naman ni Eldrew.
Sa nakaraang Asian Championships sa China, kapwa nag-medalya ang magkapatid, matapos mag-gold si Caloy at bronze si Eldrew sa men’s floor exercise.
Kasama rin sa national team sina Juancho Miguel Besana, Justin Ace De Leon, Zachary Cortins Nuñez, at mga miyembro ng women’s artistic, rhythmic gymnastics at men’s trampoline teams.
--Ads--
