20 kandidato nag-withdraw ng COC sa huling araw ng paghahain ng kandidatura sa Isabela

CAUAYAN CITY – Nakapagtala ang Comelec Ilagan City ng mahigit 20 barangay na walang makakalaban ang kandidato sa pagka barangay kapitan samantalang 20 naman ang nag-withdraw ng kanilang kandidatura.

Sa panayam ng Bombo Radyo Cauayan kay Atty. Jerby Cortez, acting election officer ng Comelec Ilagan City, maliban sa mga humabol na naghain ng kandidatura ay mayroon din mga humabol para mag-withdraw ng kanilang kandidatura.

Maaaring ang mga lumalaban sa mga kasalukuyang opisyal ang karamihan sa mga nag-withdraw.

Sa kabuuan ay nakapagtala Comelec Ilagan City ng 1,866 na mga kandidato sa barangay samantalang 1,232 ang naghain ni COC sa sangguniang kabataan.