Nawawala ang 9 na skiers matapos tamaan ng avalanche ang bahagi ng Sierra Nevada sa California.
Ayon sa mga awtoridad, 6 sa kasamahn ng mga ito ang matagumpay na nasagip.
Ayon sa pahayag ng Nevada County Sheriff’s Office, naganap ang insidente bandang alas-11:30 ng umaga (Pacific time) noong Martes sa Castle Peak area sa Truckee, California kung saan natabunan ng rumaragasang niyebe ang grupo ng mga backcountry skiers.
Ang 6 na nasagip ay nagtamo ng iba’t ibang injury, at dalawa sa kanila ang isinugod sa ospital para sa karagdagang gamutan.
Batay sa ulat, nakagawa ng pansamantalang kanlungan ang mga nakaligtas gamit ang tarpaulin at iba pang materyales. Nakipag-ugnayan sila sa mga rescuer sa pamamagitan ng radio beacon at text messaging.
Nagbabala ang mga awtoridad na magiging mabagal ang paghahanap sa 9 pang nawawala dahil sa mapanganib na kondisyon sa lugar, kabilang ang posibilidad ng panibagong avalanche.
