CAUAYAN CITY – Muling manunungkulan ng tatlong taon para sa kanyang huling termino si Mayor Bernard Dy ng Cauayan City na walang nakatunggali sa katatapos na halalan.
Muli ring nahalal si incumbent Vice Mayor Leoncio “Bong” Dalin Jr.
Nahalal na first councilor ang nag-iisang babaeng konsehal ng Cauayan City na si Cynthia Uy.
Nahalal lahat ang mga kaalyadong sina SP member Gary Galutera, Edgar De Luna, Egay Atienza, Porong Mallillin, Rene Uy, Paul Mauricio, Bagnos Maximo, Danilo Asirit at Rufino Arcega.
Sa naging panayam ng Bombo Radyo Cauayan, kapwa nagpasalamat sina vice mayor dalin at sp member Cynthia Uy sa mga nagtiwala sa kanila para muling maluklok sa puwesto.
Matapos silang maiproklama kagabi ng Comission on Elections (Comelec) Cauayan City ay lubos na nagpasalamat si Mayor Bernard Dy sa mga Cauayenio na sumuporta sa kanyang grupo.
Sa naging panayam ng Bombo Radyo Cauayan, sinabi ni Mayor Dy na talagang nangampanya sila nang husto para makuha ang suporta ng mga botante.
