CAUAYAN CITY – Nasawi ang isang Army Reservist matapos maaksidente sa motorsiklo at tumilapon sa kasalubong na dumptruck sa Cordon Isabela.
Sa naging panayam ng Bombo Radyo Cauayan kay PMaj. Felix Mendoza, Hepe ng Cordon Police Station sinabi niya na galing sa Bayombong Nueva Vizcaya ang army reservist sakay ng kanyang motorsiklo habang kasalubong naman ang dump truck na akmang mag-leleft turn nang mangyari ang aksidente.
Maaring nagulat ang tsuper ng motorsiklo kaya nawalan ng kontrol sa manibela at nag-slide sa kalsada sa layong 25-30 metro at umabot sa kasalubong na dump truck.
Nagtamo ng fracture sa balikat ang biktima matapos bumangga sa bumper ng dump truck.
Aniya mabilis ang patakbo ng tsuper ng motorsiklo dahil may kagandahan ang pababang kalsada sa lugar kung saan ito naaksidente.
Pinaalalahanan naman ni PMaj. Mendoza ang mga motorista na bumabagtas sa mga lansangan na maging maingat at huwag nang magpatakbo ng mabilis kung hindi kabisado ang kalsada.
