Nasawi ang SK federation President ng Cordon, Isabela matapos masangkot sa aksidente ang sinakyang Van sa bahagi ng Skyway sa Pasay City kahapon ng madaling araw (June 13,2024).
Sa nakuhang impormasyon ng Bombo Radyo Cauayan, na maliban kay SK Fed. President Benjamin Tolentino, kabilang din sa nasawi ang driver ng kanilang sasakyan na si Eddie Trinidad, limamput apat na taong gulan, residente ng Agoo, Launion habang sugatan naman ang apat pang kasamahan na kinabibilangan ng bise alkalde ng Cordon Isabela na si Vice Mayor Abegail Sable.
Patungong NAIA Expressway ang mga biktima ng maganap ang naturang insidente.
Ang mga nasugatan ay patuloy na nagpapagaling sa lungsod ng makati habang ang mga labi ni SK Fed. Tolentino ay naiuwi na sa Cordon, Isabela.
Samantala, nagpaabot naman ng pakikiramay ang Cordon Mannalon CV Eagles Club sa pagkakasawi ng kanilang kasamahan na sir SK Fed. Tolentino.
Sa kanilang facebook post, kanilang inalala ang mga kontribusyon nito sa kanilang samahan at ipinakitang kabaitan at dedikasyon sa pagtulong sa komunidad na nagsisilbing inpirasyon para sa iba.
