--Ads--
Umamin ng kasalanan ang Arcadia, Southern California Mayor Eileen Wang sa kasong pag-akto bilang ilegal na agent ng pamahalaang China, kasabay ng kanyang pagbibitiw sa puwesto.
Ayon sa mga awtoridad, inamin niyang nakipagtulungan siya sa mga opisyal ng China mula 2020 hanggang 2022 para sa pagpapakalat ng pro-Beijing na mga content nang hindi ito idineklara sa pamahalaan ng U.S.
Pumayag si Wang sa plea deal para sa felony na may posibleng parusang pagkakulong ng hanggang 10 taon. Kasama niya ang isang kasamahan na nauna nang umamin at nakulong na ng apat na taon.
Inaasahang pormal siyang haharap sa korte sa Los Angeles sa mga susunod na linggo para sa kanyang guilty plea.
--Ads--
