--Ads--
Nakatakdang bumiyahe sa New Delhi, India sina Pangulong Ferdinand “Bongbong” Marcos Jr. at First Lady Liza Araneta-Marcos mula Setyembre 12 hanggang 13 upang dumalo sa 18th BRICS Summit.
Ayon kay Department of Foreign Affairs spokesperson Analyn Ratonel, inimbitahan ni Indian Prime Minister Narendra Modi ang mag-asawang Marcos na dumalo sa naturang summit.
Binubuo ang BRICS ng 11 pangunahing umuusbong na ekonomiya at developing countries, kabilang ang Brazil, China, Egypt, Ethiopia, India, Indonesia, Iran, Russia, Saudi Arabia, South Africa at United Arab Emirates.
Bukod sa BRICS Summit, nakatakda ring magsagawa ng bilateral meeting sina Marcos at Modi habang nasa India ang Pangulo.
--Ads--
