--Ads--
Makakaharap ni Filipina tennis star Alex Eala si Han Shi ng China sa unang round ng 2026 Wuhan Open ngayong Lunes.
Diretso sa main draw si Han matapos talunin si Kamilla Rakhimova ng Uzbekistan sa qualifying round, 7-6(2), 6-1. Kasalukuyan siyang nasa ika-231 pwesto sa WTA rankings.
Samantala, ika-13 seed si Eala sa WTA 1000 tournament at nasa ika-18 pwesto sa world rankings.
Ito ang unang torneo ni Eala matapos ang kaniyang kampanya sa 2026 Asian Games kung saan nakakuha siya ng bronze medal.
--Ads--
Gaganapin ang kanilang laban sa center court ng Optics Valley International Tennis Center sa Wuhan, China.
Bukod sa singles, sasabak din si Eala sa doubles kung saan makakasama niya si Zeynep Sönmez ng Turkey.
