Malaki ang ibinagsak ng government infrastructure spending sa unang apat na buwan ng taon, naitala sa 45.6% na pagbaba sa ₱189.3 bilyon mula ₱347.6 bilyon noong nakaraang taon.
Ayon sa Department of Budget and Management (DBM), naapektuhan ang paggastos dahil sa mas mahigpit na beripikasyon at pagkaantala ng mga bayad kasunod ng flood-control corruption issue, na nakaapekto sa operasyon ng Department of Public Works and Highways (DPWH).
Dahil dito, maraming proyekto ang naantala at mabagal ang paglabas ng pondo, habang may bilyong pisong halaga ng tseke ang hindi pa naipapasa sa mga contractor.
Samantala, kahit tumaas ng 5.1% ang kabuuang government spending, hindi ito dahil sa infrastructure kundi sa subsidies, interest payments, at personnel costs.
Inaasahang babawi ang paggastos sa mga susunod na buwan matapos maglabas ang gobyerno ng mas malaking pondo para sa infrastructure projects.
