Pinatulan nina Luis Manzano at Jessy Mendiola ang ilang online commenters na pumuna sa suot na Chanel rubber rain boots ni Jessy habang nasa Osaka, Japan.
Umani ng komento ang kanilang post matapos mapansin ng netizens ang rain boots ng aktres kahit walang baha sa lugar. May isang netizen na nagsabing inakala niyang may baha dahil sa suot ng mag-asawa.
Ipinaliwanag ni Jessy na pabago-bago ang panahon sa Japan sa kanilang pagbisita at umulan nang madalas habang nasa Osaka sila.
Sa isa pang komento, may netizen na nagsabing akala niya ay fashion mistake ang suot ng aktres ngunit napansin din na Chanel pala ito.
Hindi pinalampas ni Jessy ang naturang komento at pabirong sinagot ito, kasabay ng pagtawag sa netizen na plastic.
Samantala, sumagot din si Luis Manzano sa isa pang netizen na pumuna sa paggamit ng rain boots, at iginiit na personal choice ng kanyang asawa ang suot nito at hindi na dapat pinakikialaman.
Umani ng sari-saring reaksyon online ang palitan ng komento ng mag-asawa.
