Mga magsasakang may nakasukbit na itak, sinisita sa mga COMELEC checkpoint sa Ifugao

CAUAYAN CITY – Sinisita ng mga pulis sa inilatag na police checkpoint ang mga magsasaka na may dalang itak sa Ifugao.

Ayon kay SPO2 Herson Pinkihan ng Alfonso Lista Police Station maituturing na deadly weapon ang mga itak kayat sinisita nila ang mga magsasaka na nakatali lamang sa baywang ang itak.

Sinabi ni SPO2 Pinkihan na nauunawan nila ang pangangailangan ng mga magsasaka sa mga itak kayat pinapayuhan nila na ilagay ang mga itak sa sako at hindi sa kanilang baywang na lantad na nakikita.

Ayon kay SPO2 Pinkihan, wala pa silang nasamsaman ng baril sa kanilang comelec Checkpoint.

Wala ring maituturing na hotspot sa bayan Alfonso Lista kauganay ng barangay at sangguniang kabataan election sa May 14, 2018.