Nanawagan ng tulong ang Pamilya Lapuebla para sa mabilisang paghahanap sa kanilang kaanak na si Arman Ringor Lapuebla ng Furao, Gamu, Isabela na isang araw ng nawawala matapos na tangayin ng agos ng tubig sa ilog na nasasakupan ng Barangay Lenzon, Gamu, Isabela.
Sa exclusive interview ng Bombo Radyo Cauayan sa kapatid ng biktima na si Rommel Ringor Lapuebla sinabi niya na galing ang kaniyang kapatid sa trabaho kung saan nag linis umano ito tabaco at pauwi na sana ng maganap ang insidente.
Panawagan niya ngayon sapubliko na kung may mapapadpad mang tao na nakasuot ng red long sleeve at blue shorts ay agad na ipagbigay alam sa kanila sa pamamagitan ng numero 09286716652 at 09756579464.
Aniya dahil sa takot na tataob ang bangka na kaniyang sinasakyan ng pasukin ito ng tubig ay tumalon ito, marunog naman umano ito lumangoy subalit hindi umano nito nakayanan ang malakas na agos at malalim na tubig ng ilog.
Hanggang sa ngayon isang araw makalipas ang insidente ay patuloy ang search and rescue operation sa Barangay Lenzon sa pag-asang makikita pang buhay ang biktima.
