--Ads--
Dumating na sa New Delhi, India si Russian President Vladimir Putin para dumalo sa dalawang araw na BRICS summit na tatalakay sa mga digmaan sa Middle East at Ukraine, gayundin sa mga hamong pang-ekonomiya.
Makikipagpulong si Putin kay Indian Prime Minister Narendra Modi, kasama si Iranian President Masoud Pezeshkian. Inaasahan din ang pagkikita nina Chinese President Xi Jinping at Modi sa sidelines ng summit.
Mahigpit ang seguridad sa New Delhi at nagpatupad ng traffic restrictions sa ilang bahagi ng kabisera bilang paghahanda sa pagtitipon.
Itinatag ang BRICS noong 2009 ng Brazil, Russia, India, China at South Africa bilang forum ng mga umuusbong na ekonomiya. Lumawak na ito at kabilang na ang Iran, Saudi Arabia at United Arab Emirates.
--Ads--
