Hindi makalalahok sa WTA Finals si world number one tennis player Elena Rybakina matapos umatras sa torneo dahil sa viral illness.
Sa inilabas na pahayag nitong Sabado, sinabi ng defending champion na hindi pa siya physically ready upang sumabak sa season-ending tournament na magsisimula ngayong Linggo.
Ayon kay Rybakina, naging matagumpay ang kaniyang season ngunit kailangan muna niyang magpahinga at magpagaling upang makapaghanda sa 2027 campaign.
Bilang kapalit niya sa Group One, papasok sa torneo ang Ukrainian tennis player na si Marta Kostyuk.
Nanguna sa world rankings si Rybakina noong Setyembre matapos magkampeon sa US Open, kung saan tinalo niya sa finals si Aryna Sabalenka.
Bukod dito, nasungkit din niya ang Australian Open noong Enero at mayroon na ngayong tatlong Grand Slam titles, kabilang ang Wimbledon title noong 2022.
