Ganap na naibenta ng national government ang ₱20 bilyong seven-year Treasury bonds sa isinagawang auction nitong Abril 21, ayon sa Bureau of the Treasury.
Umabot sa ₱26.5 bilyon ang kabuuang tenders, o 1.3 times oversubscribed, bagama’t mas mababa ito kumpara sa nakaraang auction noong Marso 10 para sa kaparehong tenor.
Tumaas ang average yield sa 6.643%, indikasyon ng mas mataas na hinihinging return ng mga investor dahil sa inaasahang interest rate hike ng Bangko Sentral ng Pilipinas at mga geopolitical risks.
Ayon sa mga ekonomista, nakaapekto sa sentiment ng merkado ang posibleng pagtaas ng inflation at patuloy na tensyon sa Middle East.
Samantala, inaayos ng pamahalaan ang borrowing strategy nito para sa 2026, kung saan mas pinapalakas ang short-term Treasury bills habang binabawasan ang long-term bond issuances.
