CAUAYAN CITY – Isasagawa ang ikaapat na taong traslacion ng replica ng itim na nazareno sa Lunsod ng Ilagan.
Ito ay makaraang napabasbasan na ang replica ng Itim na Nazarenong mapagpala sa Quiapo, Maynila na gagamitin sa traslacion sa Lunsod ng Ilagan.
Sa panayam ng Bombo Radyo Cauayan, inihayag Ginoong Sherwin Balloga, National Coordinator ng Black Nazarene na ganap na alas kuwatro ngayong hapon
ay ilalabas nila sa City Hall ng Lunsod ng Ilagan ng replica ng Itim na Nazareno para sa gaganaping traslacion hanggang sa central terminal sa barangay Alibagu.
Umulan man o umaraw ay ipagpapatuloy pa rin nila ang gagawing traslacion ng replica ng itim na Nazareno sa Lunsod ng Ilagan.
Inaanyayahan niya ang mga Ilaguenio na makisama sa isasagawang prusisyon o traslacion ng replica ng poong Nazareno .
