CAUAYAN CITY – Umabot sa 2,614 ang napagkalooban ng DSWD Region 2 ng Educational Cash Assistance sa pitong lugar na pinagsagawaan ng pay-out kahapon.
Sa naging panayam ng Bombo Radyo Cauayan, inihayag ni Information Officer Michael Gaspar ng DSWD Region 2 na naging maayos ang pamamahagi kahapon ng Educationl Assistance kumpara noong August 20 na nagkaroon ng kaguluhan.
Sa September 3 ay magsasagawa ang DSWD Region 2 ng one pay-out sa kada LGU sa Cagayan habang may mga naka-schedule ring pay-out sa Isabela, Nueva Vizcaya at Quirino.
Sa ngayon ay umaabot na sa mahigit 100,000 ang natanggap ng DSWD Region 2 na online registration para sa educational cash assistance ng student in crisis situation na karamihan ay sa Isabela na aabot sa mahigit 50,000 applicants.
Nauna nang sinabi ng DSWD na limitado ang pondo para sa pamamahagi ng ayuda sa mga mag-aaral at hindi kakayanin na mabigyan lahat ang mga nakapag-apply online kaya magsasagawa sila ng assessment sa mga applications.
