CAUAYAN CITY – Nasugatan ang dalawang lalaki matapos na mabangga ng tricycle ang sinasakyan nilang motorsiklo sa District 1, Cauayan City.
Ang mga biktima ay sina Christian Amantillo, 24-anyos, tsuper ng motorsiklo, residente rin ng nasabing barangay at ang angkas nito na si Jovelito Duldulao na residente naman ng San Mariano, Isabela.
Bumili lamang ang mga biktima ng alak sa isang convenient store at barbeque at nang pabalik na ay bigla na lamang silang banggain ng isang tricycle na hindi man lang huminto.
Agad namang rumespunde ang mga kasapi ng Cauayan City Police station at ang Rescue 922 para sa paunang lunas bago sila dinala sa pinakamalapit na pagamutan.
Patuloy ang pagsisiyasat ng mga pulis at sinusuri ang mga CCTV na posibleng nakahagip sa sangkot na tricycle.
