CAUAYAN CITY- Nasawi ang isang lalaki matapos masagasaan ng 10-wheeler truck na may kargang buhangin sa kahabaan ng Iloilo Radial By-Pass Road 4 sa Barangay Lanit, Jaro, Iloilo City.
Sa panayam ng Bombo Radyo, ibinahagi ng driver ng trak na si Ronald Lara, 45-anyos, residente ng Passi City, na patungo siya sa Lapuz district ng Iloilo City mula sa San Enrique, Iloilo, patungo sa isang Roll-on/Roll-off vessel na patungo sa Isla ng Guimaras.
Paliwanag ni Lara, mabilis ang takbo ng biktimang sakay ng motorsiklo at nawalan ng kontrol habang papalapit sa isang kurba, bumangga sa harapan ng trak. Dahil sa impact, tumilapon ang biktima ng humigit-kumulang 30 metro, na nagresulta sa matinding pinsala sa ulo.
Nawasak din sa aksidente ang mga gamit ng biktima, kabilang ang pasta at macaroni para sa paghahanda sa Pasko.
Bagaman isinugod sa pagamutan sa Iloilo City, idineklarang dead on arrival ang biktima.
