Kumpiyansa si International Criminal Court (ICC) Assistant to Counsel Atty. Kristina Conti na hindi papanigan ng Appeals Chamber ang apela ni dating Pangulong Rodrigo Duterte sa desisyon ng korte na ideklara siyang “fit to stand trial”.
“Kumpiyansa ako na pagdating po sa Appeals Chamber ay hindi na rin po kakatigan, hindi papanigan ng Appeals Chamber ‘yung sinasabi na pagkakamali ng Pre-Trial Chamber ayon sa defense,” saad ni Conti.
Matatandaang noong Enero, idineklara ng ICC Pre-Trial Chamber 1 na “fit to take part in pre-trial proceedings” si dating Pangulong Duterte.
Kaugnay ito ng kasong crimes against humanity na isinampa laban sa kanya na may kinalaman sa kanyang war on drugs.
Itinakda ang confirmation of charges hearing simula Pebrero 23, 2026.
