--Ads--
Inakusahan ni Sen. Rodante Marcoleta ang media na “bayaran” at kinuwestiyon ang kanilang pagbabalita sa kanyang pambungad na pananalita sa pagdinig ukol sa iskandalo sa flood control.
Ayon sa kanya, bigo ang mga mamamahayag na usisain ang ibang mga senador kung bakit nananatiling tahimik ang mga ito sa isyu.
Gayunpaman, taliwas sa paratang ng senador ang mga naunang ulat dahil aktibo nang nagtanong ang media kay acting Senate President Win Gatchalian ukol sa mga tsismis na may nagtatangkang humarang sa imbestigasyon.
Itinanggi ito ni Gatchalian at nilinaw na ang usapin ay maayos na hahawakan ng Senate Blue Ribbon Committee sa pamumuno ni Senador Erwin Tulfo.
--Ads--
