Lumipat sa Sacramento Kings si dating No. 1 overall draft pick at three-time All-Star point guard Ben Simmons matapos pumirma ng isang taong kontrata na nagkakahalaga ng $3.5 milyon.
Babalik sa NBA si Simmons matapos hindi makapaglaro noong 2025-26 season habang nagpapagaling mula sa chronic back issues. Huli siyang naglaro para sa Los Angeles Clippers sa 18 laro noong Marso at Abril 2025.
Napili bilang No. 1 overall pick ng Philadelphia 76ers noong 2016, nagwagi si Simmons ng 2017-18 Rookie of the Year award at dalawang beses napili sa All-Defensive Team.
Sa 383 career games, mayroon siyang average na 13.1 puntos, 7.4 rebounds, 7.2 assists at 1.5 steals.
Target din ni Simmons na makabalik sa Team Australia para sa 2028 Summer Olympics sa Los Angeles.
