Itinanghal si Boston Celtics head coach Joe Mazzulla bilang 2025–26 NBA Coach of the Year, na unang pagkakataon mula noong 1979–80 season na muling nakamit ng isang Celtics coach ang naturang karangalan.
Tinalo niya sina Detroit Pistons coach J.B. Bickerstaff at San Antonio Spurs head coach Mitch Johnson, matapos makuha ang 62 first-place votes, kumpara sa 29 na boto ni Bickerstaff.
Sa katatapos na season, pinangunahan ni Mazzulla ang malaking roster overhaul ng Celtics kasunod ng pag-alis nina Kristaps Porziņģis, Jrue Holiday, at Al Horford, pati na rin ang pagkawala ni Jayson Tatum dahil sa matagal nitong pag-recover mula sa Achilles injury.
Sa kabila ng mga pagbabago, natapos pa rin ng Boston ang season bilang No. 2 seed sa Eastern Conference na may rekord na 56–26.
Sa edad na 37, kabilang si Mazzulla sa pinakabatang tumanggap ng naturang parangal sa kasaysayan ng NBA.
