CAUAYAN CITY– Nakataas ngayon sa blue alert status ang Department of Health o DOH Region 2 dahil sa malawakang pagbaha sa Northern Cagayan.
Sa naging panayam ng Bombo Radyo Cauayan kay G. Val Aaron Taguinin ,Health Emergency Management Staff (HEMS) Head-DOH region 2, sinabi niya na ito ay upang matiyak ng ahensiya na walang magkakasakit sa mga evacuees na nasa labing isang evacuation centers sa lalawigan.
Maliban dito ay, naka- activate na rin ang reporting sysytem surveillance imposed in emergencies and disaster kung saan sinusuri nila ang mga sintomas ng isang sakit dulot ng pagbaha tulad ng leptospirosis at dengue .
Maliban sa mga evacuees na binigyan ng mga hygiene kits at water purifier ay binigyan na rin ng DOH region 2 ng mga gamot ang mga nagsasagawa ng recue operations kontra leptospirosis dahil maging sila ay lumulusong sa tubig baha.
Sa ngayon ay centralized ang pagtanggap at pagpapadala nila ng mga tulong tulad ng food packs sa mga residenteng apektadong lugar habang naka- station na ang kanilang Human resources for health sa bawat munisipyo sa labing limang munisipalidad na apektado ng pagbaha mula sa district 1 at District 2 ng Cagayan.
Maliban sa pagdeklara ng blue alert status ay nagrequest na rin sila sa DOH central office ng augmentation na pupuno sa mga mobilized commodities na tutugon sa lahat ng mga pangangailangan ng mga apektado ng pagbaha.
