Pormal nang kinilala ng impeachment court ang pag-withdraw ng House prosecution panel sa tatlo sa apat na articles of impeachment laban kay Vice President Sara Duterte.
Ito ay matapos maglabas ng ruling si Senate Presiding Officer Chiz Escudero sa pagdinig nitong Martes, kung saan kinumpirma niya ang manifestation ng prosecution na hindi na nito itutuloy ang Articles I, III, at IV ng impeachment case laban sa bise presidente.
Sa naturang ruling, Article II na lamang, na tumatalakay sa umano’y unexplained wealth ni Duterte, ang magpapatuloy na isusulong ng House prosecution panel.
Nauna nang sinabi ni House lead prosecutor Rep. Gerville Luistro na Article II na lamang ang kanilang ipagpapatuloy sa impeachment proceedings laban sa bise presidente.
