Bumaba sa 6.1% ang inflation rate sa Pilipinas noong Agosto mula sa 6.2% noong Hulyo, ayon sa Philippine Statistics Authority (PSA).
Ito na ang ikaapat na sunod na buwan na bumababa ang inflation mula nang umabot ito sa 7.2% noong Abril, na pinakamataas sa loob ng mahigit tatlong taon.
Pangunahing nakatulong sa pagbaba ang mas mabagal na pagtaas ng presyo ng pagkain at non-alcoholic beverages, na bumaba sa 4.6% mula 5.2% noong Hulyo.
Bumagal din ang inflation sa housing, tubig, kuryente, gas at iba pang fuel sa 7.9% mula 8.2%.
Samantala, bumaba rin ang core inflation sa 4.1% mula 4.2%.
Gayunman, nananatiling mataas ang average inflation sa unang walong buwan ng taon sa 5.2%, lampas sa 2 hanggang 4% target ng Bangko Sentral ng Pilipinas (BSP).
Tumaas naman ang inflation sa transportasyon sa 13.5% noong Agosto mula 11.9% noong Hulyo.
