Nilagdaan na ni US President Donald Trump at Iranian President Masoud Pezeshkian ang isang memorandum of understanding (MoU) sa elektronikong paraan na naglalayong tapusin ang hidwaan ng US at Israel laban sa Iran.
Sinabi ng Pakistan na ipinatutupad na ang “Islamabad MoU,” habang iginiit ng mga opisyal ng US na kabilang dito ang pangakong hindi bubuo o bibili ang Iran ng nuclear weapon, pagtatapos ng labanan sa iba’t ibang larangan, at muling pagbubukas ng Strait of Hormuz.
Sa kabila nito, nagpapatuloy pa rin umano ang operasyon ng puwersang Israeli sa Lebanon kahit kabilang ito sa kasunduan ng US at Iran.
Samantala, pinuri ni Hezbollah leader Naim Qassem ang kasunduan at tinawag itong “malaking tagumpay,” at sinabi rin niyang ang negosasyon ng Lebanon sa Israel ay dapat tumuon lamang sa “mutual security” at hindi sa pag-disarma sa kanilang grupo.
