₱𝟓𝟎𝐊 𝐫𝐞𝐰𝐚𝐫𝐝, 𝐢𝐧𝐚𝐚𝐥𝐨𝐤 𝐧𝐠 𝐋𝐆𝐔 𝐒𝐚𝐧 𝐌𝐚𝐧𝐮𝐞𝐥 𝐩𝐚𝐫𝐚 𝐬𝐚 𝐡𝐮𝐬𝐭𝐢𝐬𝐲𝐚 𝐬𝐚 𝐩𝐚𝐠𝐩𝐚𝐭𝐚𝐲 𝐧𝐠 𝐝𝐚𝐭𝐢𝐧𝐠 𝐁𝐞𝐚𝐮𝐭𝐲 𝐐𝐮𝐞𝐞𝐧 𝐉𝐢𝐧𝐠 𝐃𝐞𝐥𝐚 𝐂𝐫𝐮𝐳

Matapos ang malungkot na insidenteng kinasangkutan ni dating Miss Earth 2013 1st Runner-up Lulette Jane “Jing” Ramilo Dela Cruz, nanawagan ang LGU ng San Manuel, Isabela, sa publiko na makiisa sa paghahanap ng hustisya.

Ayon kay Mayor Dondon Dy, may nakalaang ₱50,000 na gantimpala sa sinumang makapagbibigay ng mahahalagang impormasyon na makakatulong sa pagdakip sa mga suspek.

Inilarawan ng alkalde ang dating beauty queen, bilang isang mapagmahal na asawa, at maalagang ina ng kanilang tatlong anak.

Samantala, hinimok din ng LGU ang sinumang may kaalaman tungkol sa insidente na agad na lumapit sa San Manuel Police Station at makipagtulungan sa mga awtoridad.