Nahaharap sa dalawang criminal investigation sa Estados Unidos si Pangulong Gustavo Petro ng Colombia, dahil sa umano’y ugnayan nito sa drug traffickers at pagtanggap ng donasyon para sa kanyang kampanya noong 2022.
Ayon kay Petro, hindi siya kailanman nakipag-usap sa mga drug traffickers at ipinag-utos sa kanyang kampanya na huwag tumanggap ng donasyon mula sa kanila.
Sinabi rin niya na makakatulong ang imbestigasyon sa US upang patunayan ang kanyang panig at pinabulaanan ang mga alegasyon.
Ang ulat ay inilabas dalawang buwan bago ang halalan sa pagkapangulo sa Mayo 31, na magiging sukatan ng apat na taon ng pamumuno ni Petro at ng kanyang Historic Pact coalition.
Matagal nang tensyonado ang relasyon ni Petro kay Pangulong US Donald Trump, lalo na sa usapin ng droga at seguridad sa rehiyon.
