CAUAYAN CITY – Inaresto ng 3rd Platoon Sinsayon Patrol Base ng All Women CMFC at SCPO Station 2 ang tatlong lalaki mula sa Olongapo City matapos masamsaman ng ilang Drug Paraphernalia at hinihinalang gumagamit ng Marijuana sa loob ng kanilang sasakyan.
Nasamsam din sa loob ng sasakyan ang isang baril at daang libong halaga ng pera.
Pasado alas onse ng gabi nang mapara sa nasabing Checkpoint ng SCPO ang tatlong suspek na sina Amiel Stevenson Danan, online seller, Rhandelle Mharc Tolentino, walang trabaho at Don Paul John Ociano, walang trabaho na pawang residente ng Cabalan, Olongapo City.
Kasalukuyang nagsasagawa ng regular na checpoint ang All Women CMFC, 3rd Platoon sa lugar nang mapadaan ang mga suspek.
Pagbaba ng bintana ng tsuper nasi Danan nakita ng Personnel ang isang maliit na stainless steel bowl sa loob ng sasakyan na naglalaman ng upos ng hinihinalang Marijuana.
Naghinala ang personnel dahil sa amoy na nagmumula sa sasakyan kaya hi-nold nila ang mga suspek.
Tumanggi ang mga suspek sa pag-inspeksyon ng mga pulis sa loob ng sasakyan ngunit isinagawa ang Extensive Search at nasamsam ang mga kontrabando.
Nakuha sa loob ng sasakyan ang isang stainless bowl na hinihinalang naglalaman ng dried marijuana, lighter, isang improvised tube na hinihinalang naglalaman din ng marijuana leaves, isang Cal. 45 pistol na may dalawang magazine na naglalaman ng labindalawang bala at perang nagkakahalaga ng higit 150,400 pesos.
Mariin namang itinanggi ng mga pinaghihinalaan na sa kanila ang mga nakumpiskang drug paraphernalia at baril.
Mahaharap ngayon ang mga suspek sa kasong paglabag sa RA 9165 o Comprehensive Dangerous Drugs Act of 2002 at paglabag sa RA 10591 o illegal Possession of Firearms.
